HISTORIA EGITEKO PREST

Escrito por gotzon el 15 abril, 2015. en Sin Categoria

IMG_4143[1]

Denboraldi hasieran txoko honetatik idaztea egokitu zitzaidanean, itxaropentsu nengoela adierazi nuen. Hainbat arrazoi nituen zantzu hori nuela adierazteko: entrenatzaile berriaren izaera, jokalari beterano batzuen buelta, gazteak hazteko prozesuan egotea… Baina sekulan ez nuen imajinatuko sasoi honetan gizonen Durango Rugby Taldea Ohorezko Mailara igotzeko promozioan  arituko zenik. 22 partida jokatu behar izan dituzte, eta inoiz jokatutako errugbirik ederrena ikusteko aukera izan dugu Durangoko errugbizaleok.

Ines Etxegibelen eskutik hasitako ibilbide berri honetan, pausoz pauso joan dira. Defentsan sekulako lana egin, eta entrenamenduan behin eta berriz landu dute defentsa, eta hor ditugu fruituak. Oso zaila da gaur egun talde honi entseguak egitea. Jokalariek argi dute plakaketa bakoitzak baloia berreskuratzeko aukera berria ekar dezakeela. Hor aritzen dira, jo eta ke, pelotoi militarren antzera, posizioa galdu barik, beti metroak irabazteko prest.

Hortik etorri dira garaipen ugari; aurten 22 partidatik 18 irabazi dituzte, eta galdutakoetan azken unera arte irabazteko aukerak izan dituzte.

Gakoa mentalitate aldaketan egon da, jokalari hauek berezkoak dituzten dohainak, batez ere erasorakoak, barneratu izana, defentsa ona erasorako lehen urratsa delako.

Orain lau partida dituzte aurretik, Sevillako Cajasol eta San Cugaten aurka. Lehenengoa asteburu honetan, Sevillan. Eskaera bat besterik ez: gozatzen jarrai dezagun!

 

DURANGO RUGBY TALDEAK liderra izango du aurkari azken ihardunaldian

Escrito por gotzon el 28 marzo, 2015. en Sin Categoria

Denboraldi hasieran itxaropentsuak agertu arren, ez genuen imajinatzen DRTko mutilek aurreko postuan egongo zirela, eta are gehiago Ohorezko Errugbi Mailara igoteko promozioan arituko zirenik .

Ines Etxegibelen eskutik hasitako ibilbide berri honetan pausuz pausu joan dira. Defentsan sekulako lana eginez, behin eta berriz entrenamenduetan defentsa landuz, eta hor ditugu fruituak. Oso zaila da gaur egun talde honi entseguak egitea. Jokalariek argi dute plakaia bakoitzak baloia berreskuratzeko aukera berria dela, eta hor aritzen dira, pelotoi militarren antzera, posizioa galdu barik eta metroak irabazteko prest.

Hor egon da nire ustez gakoa, mentalitate aldaketan. berezko doaiak dituzten jokalariek, batez ere erasorako, barneratu izana defentsa ona dela erasorako lehen urratsa.

Gaur Asti zelaian, jokoan ez da egongo nork bukatzen duen lehenengo sailkapenean, hori Zarautzek lortu duelako, merezimendu handiz gainera; baina bai aukera izango dugu jakiteko durangarrek noraino heldu daitezkeen hurrengo fasean. Gaur Astin irabazteak, sekulako animo bultzada ekarriko lukeelako.

Hala bedi¬°

 

Gotzon Gomez Barrenetxea

 

IRLANDAK LORTU DU AURTENGO SIX NATIONS TXAPELKETA

Escrito por gotzon el 28 marzo, 2015. en Sin Categoria

Larunbata zoragarria errugbizaleok izan genuena. Gales, Irlanda eta Ingalaterrak aukera zuten 2015. urteko Sei Nazioetako txapelketa irabazteko. Eta azken unerarte horrela izan zen, baina azkenean eta puntu guxtiren aldeagatik irlandarrek iaz bezala txapelketa eskuratu zuten.

Erromako Stadio Olinpikoan genuen lehenengo hitzordua, Italia eta Galesen artean. Galestarrek irabazteaz gain, puntu ugari lortu behar zituzten beraien aukerak bizirik mantendu ahal izateko. Lehenengo minutuak parekatuak izan ziren, zigor kolpeen bitartez bakarrik lortzen zituzten puntuak, betiko lez Leigh Halfpennyk bere taldea hor mantentzen zuen. Jamie Robertsek lortu zuen galestarren lehenengo trya, baina honako honetan Halfpennyk huts egin zuen. Eta handik gutxira italiarrek partida berdintzea lortu eta ondorengo gauzaketaren bitartez markagailuan gainetik jartzea lortu zuten. Itxura txarragoa hartu zuen partidak Halfpennyk zelaia utzi behar izan zuenean lesio bategatik. Hala ere, atsedenaldian 13-14 galestarren alde.

Bigarren zatian, egoera errotik aldatu zen. Galestarrek partidaren bila irten ziren, eta entseguak bata bestearen atzetik etorri ziren, zazpi guztira: Liam Williams, George North (3 lortu zituen, partida ikusgarria jokatuz), Sam Warburton, Rhys Webb, Scott Williams, eta Dan Biggarren gauzaketak. Bigarren zatiko partziala 7-47 kanpokoen alde, sekulako ikuskizuna eskainiz, nahikoa izango zuten?

Aurreko partidako emaitza ikusirik, irlandarrek Eskozia mendean hartzeaz gain puntu ugari behar zituzten.  Baina BT Murrayfield Stadiumean aurkari gogorra izango zuten. Eskoziarrek aukera bakarra zuten egurrezko koilara ekiditeko!

Hasiera hasieratik Paul O¬īConnellek gauzak bere baitan jarri nahi zituen, eta lehen entsegua kapitainak lortu zuen, garaipenaren bidea zabalduz. Jonathan Sextonen ostikoek aldea zabaltzen joan ziren. Sean O`Brienek lortu zuen bigarren entsegua, eta Finn Russelek eskoziarren lehenengoa lortu zuen. Atsedenaldian 10-20 markagailuan, irlandarren alde, puntu alde hura ez zen nahikoa txapleketaren garaipena bermatzeko. Bigarren zaitan berdez jantzitakoek entseguen bila irten ziren eta halaxe gertatu zen. ¬†Jared Payne, Ian Madiganek bana egin zuten, eta Sextonek zein Madiganek ostikoaren lortutakoak markagailua 10-40an uzti zuten. Irlandarrek aukera ugari zuten txapelketa irabazteko. 26 puntuko aldea zuten Ingalaterrarekiko, hau da Ingalaterrak Frantzia mendean hartzeaz gain, 27 puntuko aldea behar zuen!!

Twickenham Stadiuma bete betea genuen, txapeleketa honetako azken partida ikusi ahal izateko. Galdera bakarra zegoen argitzeko, Ingalaterra gai izango zatekeen Frantzia mendean hartzeko eta gainera 27 puntuko aldea edo gehiagokoa lortuz?

Partida ikusgarria izan zen. Nik azken urteetan gogoratzen dudan ikusgarriena. Ostikoak alde batera utziz, estatistikak eta kontu guzti horiek bazter batean geratu ziren. Talde biek amaierako marraren bila, entseguak batetik eta bestetik. Joku azkarra, indartsua, bizia, baina batez ere ikusgarria. 30 jokalariak zein ordez aritu zirenak lehen eginda. Baina batez errugbizaleentzat errugbia egoera naturalean, bizian, lehia gogorra baina bortxakeria barik.

Ingalaterrak ematen zuen une batzuetan aldea lortuko zuela, Frantziak bere benetako sena erakutsi zuen, baloia erabiltzeko duten berezko gaitasuna eta amaieran 55-35 etxekoen alde. 90 puntu, 12 entsegu guztira, Ingalaterra 7 eta Frantziak 5.

Amaieran aukera izan zuten etxekoek, baina ezin. Irlandak lortu du aurtengo txapelketa, baina hortxe egon dira Inagalaterra zein Gales.

Txapelketa ederra izan dugu, emozioz bete, pena ematen dit Galesek irabazi ez izana, joku ederra erakutsi baitute, erasoan zein defentsan. Lastima lehenengo ihardunaldia, baina hurrengoan izango da.

Hurrengo hitzordua Mundiala dugu, irailean eta urrian jokatuko dena. Faborioak? Nire ustez Zeelanda Berria eta Hego Afrika, baina ikusi behar! 

Gotzon Gomez Barrenetxea

AZKEN IHARDUNALDIAN ERABAKIKO DA GUZTIA

Escrito por gotzon el 21 marzo, 2015. en Sin Categoria

Larunbata arratsaldean, Millenium Stadiumean, Galestarrek irlandarrak mendean hartu ondoren, oraindik bizirik daudela erakusti zuten. Hasieratik partidaren bila atera ziren etxekoak, eta aurretik jarri ziren markagailuan Leigh Halfpennyren hankaren bitartez lau zigor kolpe jarraian sartu baitzituen. Baina epaileak Warburton kapitaina kanporatu zuen, erabaki eztabaidagarri batean eta Irlandak Jonathan Sextonen biraten hurbiltzea lortu zuen 12-6. Biggarrek etxekoen joko zabaltzaileak drop ikusgarriaren bitartez aldea handitu zuen, eta Sextonek 15-9a jarri zuen atsedenaldirako.

Jarraipenean galestarrek entsegua lortu zuten Williamsen bitartez. 20-9. Hortik aurrera, defentsa sendoa erakutsiz, irlandarren ahaldegin guztian bertan behera uzteko moduan aritu ziren. Bukaeran Gales 23-Irlanda 16.

Larunbatean ere, Ingalaterrak Eskozia mendean hartu zuen 25-13, hala ere sekulako lana egin behar izan zuten etxekoek. Lehenengo entsegua Jonatahan Josephek egin zuen 6. minutuan, eta ondorengo gauzaketa George Fordek lortu zuen Ingalaterra 7-0 gainetik jarriz. Hala ere, eskoziarrek apurka apurka gorantz egin zuten eta lehen zatiko erdialdean partida berdintzea lortu zuten Mark Bennetek egindako entseguari esker. Laidlawek polito gauzatu bait zuen ondorengo ostikoa. 7-7 markagailuan. Eskoziak txapeleketan erakutsitakoa, zelaian genuen, hau da, lehen zatian ondo eta polito aritzen dela. Ondoren hiru zigor kolpe egon ziren eta atsedenaldian 10-13 eskoziaren aurretik. Baina esan bezala, eskoziarrei bigarren zatiak aldatz gora egiten zaie eta gauza berbera gertatu zen honako honetan ere. Bigarren zatian talde bakarra egon zen zelaian eta 15-0 partzialarekin etxekoek partidari buelta eman zioten. Oraindik faborito nagusiena direla erakutsiz.

Igandean jokatu zen ihardunaldi honetako azken partida. Honako honetan Erromako Stadio Olinpikoan Frantziak ez zion aukerarik eman Italiari, 0-29 irabaziz. Ematen zuen partida borrokatua eta berdindua izango zela baina Saint Andreren mutilak nagusi izan ziren hasieratik eta bukatu arte. 5 zigor kolpe, bi entsegu (Yoan Maestri eta Mathieu Basteraud) eta bi gauzaketa.

 

EZUSTEKO UGARI SEI NAZIOETAKO 3. IHARDUNALDIAN

Escrito por gotzon el 8 marzo, 2015. en Sin Categoria

Aurreko asteburuan, SIX NATIONS errugbi txapeleketaren 3. ihardunaldia jokatu zen.

Jokatzeaz gain, zelai ezberdinetan hainbat ezusteko gertatu ziren, ziurrenik apusturen bat bertan behera utzi zituztenak. Esan bezala lehen ezustekoa larunbatean gertatu zen, BT MUrrayfield zelaian. Eskoziak, hain itxura ona eman zuen taldeak, mendean izan zuen Italia ia partida osoan, baina horrokeriaz jokatzeak askotan ondorio latzak izaten ditu, eta azken jokaldian italiarrek aurtengo lehen garaipena lortu zuten. Zergatik? Gogo eta fede gehiago erakutsi zutelako. Jokoan finkatuz gero, eskoziarrena politagoa eta ederragoa izan zen, baina suarekin dabilena askota erre egiten da, eta hori gertatu zitzaien eskoziarrei. 80.minutuan Eskozia 19-Italia 22

Hurengo hitzordua Parisen genuen, Stade de France zelaian. Etxekoek erakutsitako zalantzak argitzeko asmoa zuten, baina argi ulun horiek inoiz baino beltzagoak ageri ziren. Aspalditik dabiltza frantziarrak joku eredu barik. Antzineko errubi champagne ahaztuta dute, edo armairuan gordeta. Galestarrek lotsa barik irten ziren zelaira, Dan Biggar joko zabaltzailea eta Leigh Halfpennyren bitartez oilarrak mendean hartzea lortu zuten. Philippe Saint -Andreren taldea aspaldi dago norabidea galduta, asko hobetu beharko dute Mundialerako. Bukaeran Frantzia 13-Wales 20

 

Igandean genuen ihardunaldi honetako partida erabakiorrena Dublineko Aviva Stadiumean.  Aurrez aurre lider biak genituen. Irabazleak bidea egina izango lukeen aurtengo torneo irabazteko. Hasiera hasieratik iralandarrek partidaren bila irten ziren. Larrosaren taldea ezinean aritu zen partida osoan. Mele, ruck eta joko zabalean irlandarrak behin eta berriz arinago eta indartsuago heltzen ziren. Horri Jonathan Sextonek egindako erakustaldia gehitzen badiogu, argi dago nork egin zituen merezimenduak partida eta lidergoa eramateko. Azkenean 19-9  Irlandaren alde.

Domeka honetan Euskadiko selekzioek Durangon jokatuko dute

Escrito por gotzon el 26 febrero, 2015. en Sin Categoria

 

Arripausueta zelaian arituko dira goizeko 10,30etatik aurrera Euskadiko selekzioak. 16, 18 eta 21 urte azpikoak izango ditugu gure artean domeka honetan.

Lehenengo partidan 21 urte azpikoek jokatuko dute Valentziako taldearen aurka.

image

 

12etan 16 urte azpikoen txanda etorriko da. Aurkariak kasu honetan Gaztela-Leoneko jokalariak.

13,30ean 18 urteazpiko jokalariak arituko dira, kasu honetan ere, Gaztela-Leon izango dute aurrean.

Aukera ederra etorkizuneko izarrak ikusi ahal izateko. Hurbildu zaitezte.

FC BARCELONAren bisita jaso du DURANGO RUGBY TALDEAK

Escrito por gotzon el 22 febrero, 2015. en Sin Categoria

Ostiralean heldu ziren FC Barcelonaren errugbi saileko gazteak Durangora. Guztira 100 bat gazte zetozen sub 10, sub 12, 1ub 14 eta sub 18 mailetakoak. 14 eta 12 urte azpiko jokalariek DRTko maila berberako familiekin bizitzeko aukera izango zuten, 18 eta 10 urte azpikoek ostera Derioko hotel/aterpetxe batean hartuko zuten atsedena.

Larunbaterako Arripausueta  zelaian hainbat partida zeuden antolaturik. Goizeko 10,30ean eman zitzaion hasiera ekitaldi honi, sub 10 eta sub 12 adinekoekin. Bertara ere, Elorriokoak hurbildu zitzaizkigun, 10 urte azpikoen taldea eta 12 urte azpikoa DRTko jokalariekin nahastuz . Ikuskizun benetan ederra gazteek eskaini zigutena, nahiz eta eguraldiak asko ez lagundu, euria eta haizeak jokalariak blai eginda eta gogortuak utzi baitzituen.

11,30ean 14 urte azpikoen txanda izan zen. Honetan ere indartsu eta gogotsu aritu ziren durangarrak zein kataluniarrak.

12,30ean 18 azpikoen partida jokatu zen. Jotake aritu arren, etxekoek ezinean ibili ziren eta ezin izan zuten Bartzelona mendean hartu, baina emaitza ez zen garrantzitsuena. Maila eman zuten, eta erakutsitako jokoa ederra izan zen partidako hainbat fasetan.

Ondoren, 15,00ak aldera Azokan izan zuten bazkari herrikoia, partidetan aritutako gazte guztiak, entrenatzaile, delegatu, arduradun etab… Giro ederra eta polita bizi izandakoa. Bazkari ostean sari banaketa egin zen, eta 18,30ak aldera eguneko ekintzei bukaera eman zioten.

Euria, haizea eta txingorra ez ziren aurkariak izan, eta errugbiaz gozatzeko aukera bikaina izan zuten Durangoko zein Elorrioko errubizaleak.

SIX NATIONS BIGARREN IHARDUNALDIAREN ONDOREN IRLANDA ETA INGALATERRA LIDER SENDOAK

Escrito por gotzon el 17 febrero, 2015. en Sin Categoria

Asteburu honetan jokatu da aurtengo Six Nations txapelketaren bigarren ihardunaldia, eta Irlanda eta Ingalaterra ditugu hor goiko postuetan.

Larunbatean ingelesek italiarrak mendean hartu bazuten ere, azzurriek uste baino arazo gehiago sortu zizkieten larrosakoei. Hasierako entsegua beraiek lortu baitzuten. Azkenean markagailuan 47-17 agertzen bazen ere, lan ederra egin behar izan zuten  Stuart Lancasterren mutilek.

Egun berean Aviva Stadiumean, Irlandak 18-11 irabazi zion Frantziari. Partida indartsua eta borrokatua eskaini ziguten, eta azkenean Joe Schmiden taldea nagusitu zen. Horrek lidergoa mantetzea ekarri zuen.

Igandean ikusi genuen bigarren ihardunaldiko partidarik ikusgarriena. Murrayfield BT stadiumean aurrez aurrez genuen Eskozia eta Gales. Azken unerarte emozioa izan genuen nagusi. Joko bizia, batez ere eskoziarren aldetik, baina azkenean ezin. Hallpennyk egindako lana erabakiorra izan zen galestarren garaipenean.

HASI DA SIX NATIONS TXAPELKETA

Escrito por gotzon el 10 febrero, 2015. en Sin Categoria

Asteburu honetan eman zitzaion hasiera SIX NATIONS txapelketari. Ostiralean Galesek lehen zatia ederra egin arren (16-8), amore eman behar izan zuen bigarren zatian ingelesen mele indartsuaren aurrean. Bukaera 16-21 larrosaren XVkoaren alde.

italia vs irlanda

Larunbatean Irlandarrek Erromako Stadium Olinpikoan nagusitu ziren. Etxekoek defentsan aritu ziren partida osoan eta ezer gutxi erakutsi zuten erasoan. Azkenean hirustaren taldeak 3-26 irabazi zuen bere lehenengo garaipena lortuz.

Larunbatean bertan izan genuen norgehiagoka orekatuena Stade de france zelaian. Aurrez aurre Frantzia eta Eskozia. Partida bizia, indartsua, borrokatua eskeini zigutena. Eskoziarrek talde gaztea izan arren, gauza ederrak erakutsi zuten, eta etorkizunerako taldea izango dutela uste dut. Kontuz hauekin ezustekoren bat eman dezakete eta. Azkenean Camille Lopezen jaurtiketek erabaki zuten partida 15-8 etxekoen alde.

Asteburu honetan errugbi gehiago!!!

 

13th EUROPEAN OLDIES GOLDIES RUGBY FESTIVAL

Escrito por gotzon el 14 enero, 2015. en Sin Categoria

Aurten beteranoen Europako errugbi txapelketa Donostian jokatuko da ekainaren 11tik 14a bitartean. Dagoeneko izen-emate prozedura eginda daukagu, baina momentuz itxaron-zerrendan gaude.

Maila egokia emateko (zelaian eta zelaitik kanpo) gogor entrenatzeari ekin beharko diogu. Hirugarren lerro potentea daukagu (Antso, Txinbe eta Abeli√Īo), ea gainerakook euren mailara heltzeko gai garen! Animo mutilak eutsi goiari!

Gotzon Gomez Barrenetxea

Iruzkina Berria Comentarios Recientes

  • Dani

    11/12/2014 |

    Eskerrik asko kapitainari. Bizitza apur bat ematen diolako webguneari. Hurrengoa noizko??
    Gogoratu datorren urtean europako golden oldies txapelketa Donostian dela.
    Bide batez, ahaztu jatzu komentatzea Jeroren lesioa.

  • Mogel

    05/03/2013 |

    La mejor banda sonora de la historia del Sapuzaharrak, Oso ondo Sanka!!!. ¬°¬°¬°¬°Up the irons!!!!!!Esta genial

  • poti

    03/03/2013 |

    muy muy bueno Sankaaaa ,maquinaaaaaaa

  • Dani

    15/02/2012 |

    ..y el trailer cojonudo, si que promete, aunque alguno igual esta temblando por las imagenes que puedan salir.
    Por cierto con lo de la sagardotegi recupere un par de puntos, a si que en junio podemos repetir.

  • Dani

    15/02/2012 |

    Oso, oso ,oso ona kronika, barregureaz negarrez nau. Por cierto aprovecho para dar otro diez a Jean Claude,que nos guio de dia y de noche tambien, sino alguno todavia esta dando vueltas en el metro de Paris.

Sarrera Acceso